第一次買新車，係咪覺得資訊爆炸？睇完價錢又要諗保險、車牌、貸款、停車位……真係唔知由邊開始落手！唔使擔心，呢篇文章就會一步步帶你，由睇車、落訂，到拎車上路，全程幫你理順晒喺香港買車嘅流程，輕鬆入手人生第一架Dream Car！

第一步——確定預算與需求

買新車之前，第一件事就係搞清楚自己負擔得幾多。唔好淨係睇車價，仲要加埋：

• 保險費（新手通常較貴）
• 首次登記稅（係累進稅，根據車輛的應課稅價值計算。有四檔）
• 車牌登記費
• 停車位租金或買位成本

Tips： 唔好低估「長期開支」！例如電動車充電費、保養費、輪胎、年檢、甚至泊車罰單，都要預埋落去。建議先用月入計返合理預算範圍，大概唔好超過收入嘅15-20%月供比較穩陣。

第二步——揀品牌與車款

準備好預算之後，就要開始揀車款喇！而家市場上有咁多品牌同新車型號，我哋推薦你最好就係親身去各個展廳睇車、試駕體驗，感受下顏色同空間，座椅舒適度、加速反應、車上娛樂系統等功能。

另外，記得比較：

• 售後服務同保養年期
• 維修站網絡同零件供應
• 電動車有冇政府補貼或品牌優惠

如果你係第一次係香港買車，可以留意下GAC香港嘅 HYPTEC HT喎！呢款車主打「新手友好」設計，配備高效能電驅系統，駕駛體驗順滑之餘，仲有多項智能輔助功能，泊車、轉線都更安心。加上GAC嘅售後網絡完善，無論係保養定維修，都非常方便，真係好適合新手上路！

第三步——落訂與確認訂單

睇啱車之後，就要落訂啦。不過記得：

• 清楚條款：問明如果取消訂單，訂金可唔可以退？交車期係幾耐？
• 確認細節：車身顏色、內裝配搭、有冇額外加配（例如全景天幕、真皮座椅）
• 要副本！ 一定要拎返新車正式合約副本留底，以防之後有爭議。

第四步——辦理付款或貸款

去到買車流程嘅第四步--付款階段。基本上有兩個選擇：全款付款 或 貸款分期。兩者各有優劣，視乎你嘅財務安排同需求。

• 如果你選擇全款付款

呢種方式最直接：一次過畀清全部車價、登記費、保險費等開支。

好處： 1. 唔使負債，無利息壓力 2. 通常dealers會提供額外優惠（例如免費首年保養、精品套裝、或者現金折扣） 3. 辦手續快，交車期往往較短

留意： 1. 全款付款多數要以銀行轉賬形式進行（多數都唔接受現金嘅） 2. 建議喺簽約時核對收據同銀行入數紀錄，確保安全

• 如果你選擇貸款付款

好多人第一次買車都會揀貸款方式，輕鬆啲，唔洗一次過拎咁多錢出嚟。你都可以比較下：

• 銀行貸款 vs 品牌金融方案（例如廣汽GAC自家金融），睇下邊個利率低、條件靈活
• 確認首期金額、月供、還款年期同實際年利率（APR）
• 問清楚提早還款會唔會有罰息或手續費

進行貸款手續個陣時，仲需要你準備好呢低基礎文件：

• 香港身份證
• 汽車駕駛證
• 住址證明（例如水電煤單）
• 入息證明（糧單、稅單或者銀行流水）

第五步——購買保險與登記手續

一、買保險

要諗住新車合法上路，第三者責任保險（Third Party Insurance）係必須買嘅。根據香港法律規定，「任何人在道路上使用汽車，或致使或允許任何其他人在道路上使用汽車，除非就該人或該其他人(視屬何情況而定)對車輛的使用已備有一份有效的和符合本條例規定的第三者風險保險單或保證單。」違者即屬於違法。

因此保險多貴都要買噶！我哋建議你：

• 自己買定問dealer包辦都OK。你都先向幾間保險公司報價，比較下保費、保障範圍同免賠額。新手司機通常保費會貴少少，可以問吓代理有冇合作保險公司或新車優惠計劃。
• 如果係買電動車（例如 HYPTEC HT），記得查下有冇針對電池、充電設備嘅額外保障
• 有啲車主會選擇升級至「全保（Comprehensive）」——除咗第三者外，仲包自己架車損毀、火災、盜竊等。

買車個陣，大多數代理商都可以幫你包辦：

• 車輛登記
• 領取車牌
• 安排驗車

二、辦理登記手續

買完保險，就可以正式幫架新車登記啦。大部分代理商都會提供「一條龍代辦」服務，幫你搞掂晒以下步驟：

車輛登記：提交登記表格、保險副本、發票、身份證明等文件。

領取車輛登記號碼（Vehicle Registration Mark）：新車通常會一齊安排車牌號碼製作。

點解有啲車牌可以得咁特別㗎？ 你都可以睇到街上好多特別嘅號碼，譬如：「666」、「HK」、「8」等。呢的不係假牌來嘅！其實都係車主透過運輸署，去申請「個人化車輛登記號碼」，最後公開拍賣投得㗎！你都可以通過拍賣申請到一個特別嘅號碼（例如你嘅英文名縮寫、幸運數字、紀念日等）！但係車牌內容必須符合法規，例如不得包含冒犯性詞語或符號等。

繳付首次登記稅（FRT）：由代理代辦報價及繳稅程序。

領取行車證（Vehicle License）：完成後，車主即可合法上路。

第六步——交車前檢查

交車嗰日，唔好太興奮就直接簽收！要花少少時間：

• 檢查外觀同內裝有冇刮花、污漬
• 測試功能：冷氣、車燈、螢幕、泊車雷達
• 確認文件：行車證、保險單、保養手冊
• 問清楚首保時間同指定維修中心位置

終於攞車啦！恭喜晒～

第一次買車的確唔易，但只要有清晰買車流程，由預算開始到上路，一樣可以穩陣搞掂！最重要係，揀返一架安全、可靠、好駕馭嘅新手車，例如廣汽GAC HYPTEC HT，讓你每一程都安心又開心！如果你感興趣，歡迎預約來店試駕喎！

點解HYPTEC HT啱做第一部車？  安心好揸：主動安全＋駕駛輔助夠齊全 新手最驚「判斷慢半拍」。HYPTEC HT配備L2級巡航輔助，仲有多項主動安全功能，如：AEB 自動緊急制動、FCW 前方碰撞預警、ACC 自適應巡航、ICA 綜合巡航輔助、LDW/LDP 車道偏離警示/糾正等等。被動安全亦齊：前/側安全氣囊、側窗簾式氣囊、ISOFIX 兒童座椅扣、ESC+ABS+EBD 等一應俱全。加埋360° 環景泊車鏡頭、前後泊車感應嘅配合，令新手「睇得清、避得早、泊得準」。 設計有型又實用：由外到內都見心思 熱反射全景天幕配電動遮陽簾、無框車門、20 吋輪圈，觀感年輕高級；內櫳大量人性化細節（例如副駕電動腳拖、後排小桌板等）照顧到乘客所需。（高配 Ultra 版本提供後排鷗翼門同四門電控開關，型格之餘亦方便。） 續航同用車成本：可預期、唔「呃心」 HYPTEC HT 係一部電SUV。180-250KW 高性能電機配「雜誌電池」安全設計，標示續航 600 km（CLTC），對香港日常通勤＋周末走走已經相當充裕；LFP 化學體系穩定、壽命表現同成本友好，對新手更易掌握長期開支。