重陽節又到喇！ 2025年嘅重陽節係10月29日（星期三）呢個節日寓意「登高避災、敬老添壽」，好多人都會選擇同屋企人一齊行山、賞菊、飲菊花酒，感受傳統節日氣氛。
對香港人嚟講，每年嘅九月九唔止係假期，更係「孝親」時刻。陪父母食餐飯、探下老人家、行下郊外，就係最好嘅心意！
不過，呢幾年越嚟越多港人利用呢個重陽節公眾假期「北上放鬆」，順便帶父母出走一日兩日，享受吓生活。唔洗人迫人、唔洗行到氣咳咳，仲可以食得好、瞓得好、玩得舒服！今年重陽節，不如換個方式，揸車帶爸媽北上大灣區，享受真正嘅天倫之樂。
為何重陽節北上成為新潮流？
一、價錢實惠，抵玩又抵住
深圳、廣州、中山、珠海等地啲酒店、餐廳、溫泉、按摩價錢比香港平得多。
例如從化嘅溫泉酒店每晚人均幾百蚊就搞掂，一啲旅行網站仲有包早餐、SPA同溫泉體驗嘅套餐。真係抵玩又抵住，係重陽節北上最熱門嘅選擇之一！
二、親情體驗更輕鬆自然
比起上山人擠人，帶爸媽去住返間溫泉酒店、食個養生宴、行下森林公園，氣氛更加輕鬆，陪伴感更深。一邊飲茶、一邊傾下近況，呢啲「無安排嘅相處」，先至係最真嘅親情！
三、長者友善設施完善
內地好多地方近年都升級咗長者設施，例如無障礙通道、醫療中心同康養基地。爸媽就算行得慢，都有地方休息、飲水，玩得安心又放心。唔少度假村仲有養生按摩、理療服務，特別啱老友記放鬆身心。
四、交通愈來愈方便，北上真係講走就走
講到重陽節北上，交通方便絕對係最大誘因之一。以前去深圳、廣州，仲要計時間、轉車、搭地鐵；而家唔同晒！自從高鐵同港珠澳大橋開通，加上「港車北上」政策正式實施，香港同大灣區嘅距離已經拉近到「一日生活圈」。
- 坐高鐵
高鐵方面，根據港鐵公司最新公報，從2025年10月11日起，從朝早7點到晚下11點，每日都有將近成百班列車從香港西九龍站開返廣東！坐高鐵兩個鐘內，基本上成個珠三角都覆蓋晒——早晨在屋企樓下飲茶，下午已經可以喺廣州塔樓下打卡影相，夜晚仲可以返酒店浸溫泉。對想帶父母一齊出行嘅家庭嚟講，又快又穩又唔使轉車，真係方便到爆。
- 自己揸車
如果你自己有車，就更加無敵添！「港車北上」令香港車主可以直接揸自己架車過關，一程過到深圳、東莞、廣州、佛山，甚至中山、珠海、惠州都冇問題。珠三角高速公路網絡極之發達，沿途指示清晰，導航又準，行車體驗一流。唔少路段仲設有服務區同便利店。如果你揸電車，充電樁都有好多！途中休息、補給都方便。無論你想去佛山睇陶瓷、去中山食乳鴿、去珠海主題公園影相打卡，全部都係輕輕鬆鬆一程車搞掂！揸電車北上比想像中仲輕鬆！
|
想知道更多「港車北上」訊息？你可以閱讀GAC香港之前嘅文章： https://www.gacgroup.com/zh-hk/news/article/northbound-travel-24 或係政府部門網站： https://www.hzmbqfs.gov.hk/tc/about/ 了解更多喇！ |
揸車北上：自駕遊最啱一家大細！
如果你屋企有車，呢個重陽節真係唔好浪費。「港車北上」令大灣區自駕遊成為熱門選擇，一家人自己揸車出發，行程靈活又自在！
靈活自由，想走就走
唔洗趕車、唔洗轉車，時間由你話事。爸媽坐得舒服，唔怕人多擠迫；沿途見到靚景仲可以即刻停低打卡，真正體驗「想停就停」嘅旅程！
車廂舒服，爸媽坐得安樂
有冷氣、有音樂、有私隱，仲可以播返啲懷舊歌，食啲小食、講吓笑話，氣氛自然又溫馨。父母唔洗拖行李、唔洗上落車，真係輕鬆到不得了。
|
如果你打算帶老豆老母北上自駕遊，GAC AION V 真係一部「舒適＋實用」兼備嘅家庭電動 SUV。呢款車擁有二排越級大空間，可以一鍵使前排變到大床。仲加埋咗幾個細節位，令爸爸媽媽嘅旅程更貼心！
1. 前排 8 點式按摩座椅，長途唔攰腰： AION V 前排座椅內置 8 點式按摩系統，支援多種按摩模式同強度調節，長途自駕時可以一邊開車一邊放鬆肌肉，減輕疲勞感。對於成日話「長時間坐車腰痛」嘅爸爸媽媽嚟講，呢個功能真係啱晒！座椅用上柔軟皮質同人體工學設計，即使行幾個鐘都唔會攰，成個感覺就似坐喺家中按摩椅咁舒服。而且無論係你自己揸車定副駕陪坐，都可以喺途中休息開啟「舒緩模式」，等身體放鬆、腰背無壓力。 2. 後排可調 137° 躺椅，老友記瞓得着： AION V 嘅第二排座椅支援角度調節，最大可後仰至 137°。呢個設計堪稱越級享受，唔少中大型 SUV 都未必做到咁大幅度喎。亞爸亞媽坐後排可以輕鬆靠後、半躺式休息，瞓一陣都冇問題！配合超寬腳位同高頭部空間，就算長途去汕頭、湛江、定韶關都唔會覺得焗促。 |
沿途風景一流，打卡唔停手
港珠澳大橋、深中通道、南沙大橋，沿路風光開揚，海景、城市景、山景一覽無遺。邊行邊影，已經係一場回憶滿滿嘅親情之旅。
電車充電、泊車超方便
而家大灣區各市嘅電車充電樁密度超高，好多酒店同商場都有，你都唔使擔心車冇電嘅。但因為內地同香港嘅充電插頭唔同，出發之前記得要囉個轉換頭喎！
|
Hadhuey – Own Work，CC BY-SA 4.0，https://commons.wikimedia.org/w/index.php?curid=45826314 |
Matti Blume (CC BY-SA <//commons.wikimedia.org/wiki/File:BYD,_Koenigsplatz,_IAA_2025,_Munich_(20250909-P1050642).jpg> or GFDL <http://www.gnu.org/copyleft/fdl.html>), via Wikimedia Commons |
|
香港電車充電插頭 |
內地電車充電插頭 |
認識下AION V: 點解啱「港車北上」自駕，亦啱做重陽節送畀爸媽？
到咗2025 年重陽節（10 月 29 日），如果你諗住同爸媽揸車北上去大灣區歎下輕鬆，又或者想送一部長輩用得安心、你又用得開心嘅電動 SUV，AION V 係幾貼地嘅選擇。
首先，續航力夠長、補能夠快，先至可以真正做到「話走就走」。官方標示最高可達 650km 長續航，配合一體化集成熱泵同多合一集成電驅，由香港出發走深圳、廣州、佛山、中山都綽綽有餘；而 400V 平台兼容度高，落到珠三角快充網絡，15 分鐘就補到約 330 公里，食個飯、飲杯茶又可以再飛一轉，基本同「里程焦慮」講再見！呢種「長續航＋快補能」嘅組合，正好對應香港家庭週末大灣區自駕遊嘅節奏。
安全層面，AION V 同樣以中歐五星安全標準車身打底，配合全車 7 氣囊同彈匣電池 2.0，由車架到電池多重防護，長者代步同家庭跨城都食得落。
至於智能座艙可用性，高通 SA8155P 配 ADiGO 5.0 反應爽快，四音區自然語音前後排都聽得清。仲可以用語音𠻹！直接叫一句「導航去酒店／播放粵語歌」就搞掂！少咗捽屏分心。
啱先我哋介紹咗AION V嘅空間同舒適性。一家大細都可以坐得安樂，長途都唔攰嘅。至於觀感，AION V嘅「賽博龍爪」前後大燈夜間很有辨識度！龍骨腰線、龍臂輪轂令側影更俐落。
內飾嘅話，你可以喺 7 款車身色＋3 種內飾之間揀返父母鍾意嘅配色喇！
總結嚟講，AION V 用「長續航＋快充」解決你嘅行程自由，「大空間＋貼心舒適」照顧爸媽乘坐體驗，配合「高標安全＋易用智能」減少長途疲勞同操作負擔。
無論你係計劃重陽節港車北上享受親情假期，抑或想買一部長輩代步車作為最實際嘅心意，佢都係一部香港家庭友善真正用得著嘅電動 SUV。順帶一提，GAC係「十五運」嘅官方用車。賽前已經為港澳賽區交付官方車隊（包括右軚定制車型），香港場館嘅車輛亦在10月中完成交付，用作賽事期間嘅接載與保障。呢種大型綜合運動會標準嘅車隊服務，為跨城出行都係一份踏實感。如果你感興趣，歡迎預約試駕！
