今年第十五屆全國運動會（簡稱「十五運」）會喺2025年11月9日至21日舉行，由廣東、香港、澳門三地聯合主辦，係史上首次「一賽三地」，象徵粵港澳更緊密協作同城市群互通。開幕式定喺廣州 11月9日，閉幕式就去到深圳 11月21日。 香港今屆除咗參與主辦，仲承辦多個重點項目（例如擊劍、七欖、三項鐵人等），同時亦有跨境公路單車同馬拉松，將三地觀眾真正「連成一線」！至於代表隊亮點，近年香港喺劍擊、游泳、乒乓球、單車等項目再三報喜，今屆更值得入場撐場！
咁無論係留在香港，定係去到廣東或澳門睇緊張刺激的賽事，你都要了解啲基本嘅訊息--去邊個賽區、點樣去、坐地鐵定係揸車？以下會由近到遠，分開香港、澳門、內地三大賽區逐一拆解，附上交通建議+香港揸車貼士。無論你一家大細、情侶拍拖定三五知己去撐香港隊，都可以順路、順手、順心咁入場！
【香港賽區】留港睇波，方便又熱鬧
唔洗出關，又最方便即場撐香港隊。今年多個奪牌點集中喺劍擊、單車等項目氣氛一流！
主要場館：啟德體育園區、香港體育館（紅磡）、香港單車館（將軍澳）、維園、中環海濱／維港等。
重點賽事包括：場地單車（13–17/11）、擊劍（15–20/11）、三項鐵人（15–16/11）、男子U22籃球（10–20/11）、七人欖球（12–14/11）
交通條件：
- 公共交通最直接：多數場館喺地鐵或幹線巴士附近；但場館周邊車位有限，建議「P+R」或泊近商場再步行。
- 情侶／家庭自駕：行李、補給、嬰兒車方便，尤其遇上落雨更見著數。
Author: Ren Yanyan - Own work, CC BY 4.0, https://commons.wikimedia.org/w/index.php?curid=177034010
揸車Tips：
提早搵位：留意西九／紅磡一帶地庫同商場車位；善用本地泊車App（如 HK e-meter）睇下仲有冇泊位。
交通改道：賽期臨時封路好常見。根據港府公報，北大嶼山公路、香港迪士尼樂園度假區及附近道路的賽道路段將於香港賽事進行時實施滾動式臨時交通管制。此路段去往機場嘅出行時間可能會增多30分鐘以上。所以，各位出發前需要查下路況。
【澳門賽區】玩住睇波，最chill
主要場館：澳門東亞運體育館（氹仔）、威尼斯人綜藝館、（奧林匹克）游泳館等
項目重點：乒乓球（7-20/11）、排球（女成年）（7-19/11）等
交通條件：
- 巴士網絡密：覆蓋氹仔、路氹至澳門半島，途徑各個運動場館；用澳門通（或現金備好散紙）最就手
- 輕軌（氹仔線）：貫通機場、路氹酒店圈、東亞運一帶，去場館／酒店穿梭好方便
- 揸私家車：澳門同香港一樣左軚行車（靠左），但路窄多彎、單向路多、環島多，限速偏低（市區常見30–60），電子監控密
Author: Ren Yanyan - Own work, CC BY-SA 4.0, https://commons.wikimedia.org/w/index.php?curid=153087155
揸車Tips：
過關與手續：走港珠澳大橋入澳，記得「港車入澳」配額／預約、保險等文件要齊
泊車策略：氹仔／路氹街邊位少、流轉快；建議大型商場車庫（如威尼斯人、銀河、巴黎人）再步行往場館。無論邊時，提早入場較穩陣。
交通改道：根據港府新聞公報，十一月八日下午十二時三十分之前，港珠澳大橋東西方向將於處於實施臨時管控狀態（東行方向由上午九時開始；西行方向由上午七時開始）。因此，無論你係坐「金巴」定自己揸車，從香港過澳門，亦或澳門返香港的觀眾需要避開呢個階段，未免影響你入場觀賽。
【內地賽區】北上睇波，氣氛最旺
主要城市：廣東省各個城市
重點項目：足球男子20歲以下組（12/11，深圳）、足球女子成年組（15/11，佛山）、跳水（2-11/11，廣州）、馬拉松（15/11，深圳+香港）、網球（9-20/11，珠海）等。
交通條件：
高鐵／城際鐵路密集：廣深、廣珠、深中等軸線貫通，大部分核心城市（廣州、深圳、珠海、佛山、東莞、中山、惠州等）均可1–2小時內直達。
地鐵網絡成熟：廣州、深圳、佛山、東莞等地鐵覆蓋度非常高，配合城際鐵路，「高鐵到城、地鐵入館」最省時。
高速路網發達：珠三角城市之間以環線＋放射高速連接，服務區密、補給方便；節假日出行提早出發／錯峰最穩陣。
Author Charlie Fong - Own work, CC BY-SA 4.0, https://commons.wikimedia.org/w/index.php?curid=97946740
揸車Tips：
通關與口岸：香港出發可走深圳灣、港珠澳大橋、皇崗等口岸；完成「港車北上」手續後直上高速，再接當地城市快速路。
行車規則與監管：靠右行車；市區、學校及隧道限速較嚴，電子監控密，留意導航的限速提示同違章高發點。
新能源車出行：珠三角充電樁密度高，高速服務區及城市樞紐普遍設站；建議先規劃補能點，以免高峰排隊；香港嘅電車開返內地充電時需要使用轉換插頭
路線攻略做齊咗，唔少讀者都會問：咁大規模跨城運動會，點樣先可以準時開賽、順利散場？講到底，除咗你我嘅行車計劃，仲要有一支可靠嘅官方用車隊伍喺背後頂住——運動員要準時，裁判、傳媒、嘉賓同志願者都要準時。車隊如果「穩」，你喺觀眾席嘅體驗就會「順」。
GAC × 十五運：官方指定用車，使命感落地
GAC在今屆十五運正正扮演呢個穩定器角色，將「移動力」變成你睇唔到但時刻感受到嘅底盤。廣汽作為十五運及殘特奧會「唯一汽車官方合作夥伴／官方指定用車」，已為港澳賽區交付右軚定制車隊，包括GAC E9等新能源MPV同HYPTEC HT智能電動SUV，並提供24/7 用車保障，確保賽時接駁、運營同禮賓接待順暢有序。
講到尾，賽事要穩，出行要順。如果你準備北上或過澳睇波，不如索性嚟一次「場景式」試駕，親身感受十五運同款的穩定底盤：從全港各個GAC試駕中心，開入中環主幹道。試吓座椅承托、底盤濾震同靜謐性；再上快速路模擬跨城，體驗巡航質感同輔助駕駛；最後入商場地庫，試吓狹位掉頭同自動泊車有幾就手！
你只要同就近GAC體驗中心講清楚自己嘅日常場景——北上睇波、跨城探親、城市通勤加家庭出遊——專員就會幫你設計一條貼近真實使用嘅試駕路線，將安全、空間、續航、泊車容易呢幾個重點逐一比對。
試一次，你就會知點解十五運可以準點鳴笛，亦會知點解GAC喺賽事與日常之間，都能做你嘅「移動力穩定器」！
